Мәмілені рәсімдегенде сатушы мен сатып алушыға қанша ақша қажет және қандай жағдайларда қосымша төлемдер туындауы мүмкін?

Нотариус қызметі қанша болады

Жылжымайтын мүлікті сатып алу-сату келісімшартын рәсімдеу және куәландыру құны пәтерді, үйді немесе жер телімін кім сататынына және кімге сататынына байланысты.

Мысалы, егер сатушы да, сатып алушы да жақын туыс емес жеке тұлға болса, онда мәмілені нотариуста рәсімдеу 12 АЕК немесе 44 304 теңге (2024 жылы 3 692 теңге) болады.

Сатып алу-сату келісімшарты баласымен, жұбайымен, ата-анасымен, аға-інісімен немесе немересімен жасалса, нотариус қызметі 7 АЕК-ті (25 844 теңге) құрайды.

Сатушы немесе сатып алушы заңды тұлға болса 62 764 теңге (17 АЕК) төлейді.

Ипотека рәсімдегендер нотариус қызметі үшін небәрі 14 768 теңге (4 АЕК) береді.

Барлық нотариуста қызмет көрсету тарифі бірдей.

Қосымша төлемдер

Сатушы немесе сатып алушы некеде болса қосымша төлем жасайды. Бұл жағдайда жылжымайтын мүлікті сатып алуға (сатып алушы тарапынан) да, сатуға да (сатушы тарапынан) жұбайыңыздың нотариалды куәландырылған келісімін рәсімдеу қажет.

Қызмет құны 5 538 теңге немесе 1.5 АЕК.

Енді жұбайыңыздың келісімін онлайн режимде — eGov мобильді қосымшасындағы eNotary қызметі арқылы ала аласыз.

Мәмілені рәсімдеуді кім төлейді

Бұл мәселе алдын ала талқыланады. Нотариус қызметін сатушы да, сатып алушы да толық төлей алады.
Негізі екіге бөліп төленеді.

Меншік құқығын тіркегені үшін мемлекеттік баж (1073 теңге) төлеу қажет. Бұл сатып алушының міндеті.

Стандарт тіркеу мерзімі үш жұмыс күнін құрайды.

Тіркеу туралы хабарламаны екі сағатта ала аласыз, ол үшін жеделдетілген тіркеуге тапсырыс беру керек. Құны — шамамен 5000 теңге.