Жалға берілетін пәтер күрт қымбаттады: қай жерде баға 20–30% өсті

Қазақстанда жалға берілетін пәтер кейінгі айда айтарлықтай қымбаттады. 28 шілдеден 31 тамызға дейін бір бөлмелі пәтердің құны орта есеппен 11%, екі бөлмелі — 13%, үш бөлмелі 10% өсті.

Баға тек Алматы мен Астанада емес, облыс орталықтарында өсті.

Екі бөлмелі пәтер жылдам қымбаттап жатыр

Krisha.kz мәліметінше 19 қаланың барлығында екі бөлмелі пәтердің орташа жалға алу ақысы өскен. Ең жоғары өсім:

• Қарағанды : +26%, 230 мың теңгеге дейін ;
• Қостанай: +25%, 250 мың теңгеге дейін;
• Павлодар: +25%, 250 мың теңгеге дейін;
• Орал: +20%, 180 мың теңгеге дейін;
• Алматы және Астана: +16.7%, 350 мың теңгеге дейін.

Салыстырма ретінде: бір бөлмелі пәтер орта есеппен 11%, үш бөлмелі пәтер 10% қымбаттаған.

Жалға берілетін пәтердің орташа бағасы*

Қала	1 бөлм., тг/ай.	2 бөлм., тг/ай.	3 бөлм., тг/ай.
Алматы	230 000	350 000	500 000
Астана	250 000	350 000	500 000
Ақтау	150 000	200 000	230 000
Ақтөбе	150 000	180 000	200 000
Атырау	180 000	250 000	250 000
Қарағанды	180 000	230 000	280 000
Қостанай	180 000	250 000	270 000
Павлодар	180 000	250 000	300 000
Петропавл	150 000	170 000	230 000
Орал	130 000	180 000	200 000
Өскемен	150 000	200 000	250 000
Шымкент	150 000	200 000	220 000
Көкшетау	170 000	205 000	260 000
Қызылорда	130 000	150 000	160 000
Семей	165 000	200 000	250 000
Талдықорған	150 000	160 000	200 000
Тараз	90 000	130 000	150 000
Түркістан	100 000	130 000	150 000
Қонаев	140 000	180 000	220 000

* Орташа жалға алу ақысы есепке алынды

Астана Алматымен теңесті

Шілденің аяғында Астана алғаш рет бір және үш бөлмелі пәтерді жалға алу құны бойынша Алматыдан озды. Тамызда елорда бір бөлмелі пәтер бойынша көшбасшы (250 мың теңге) атанды. Алматыда — 230 мың теңге.

Алматыда үш бөлмелі пәтердің бағасы Астанамен шамалас болды. Шілденің аяғында айырмашылық 100 мың теңге еді: Алматыда — 400 мың, Астанада — 500 мың теңге. Қазір екі қалада да жалға алу құны — 500 мың теңге.

Екі бөлмелі пәтерлер бойынша жағдай ұқсас. Шілдеде Алматыда жалға алу ақысы 300 мың, Астанада 350 мың теңге болған. Қазір екі қалада баға — 350 мың теңге.

Астана бір бөлмелі пәтері ең қымбат қала болып қалды, ал екі және үш бөлмелі пәтердің бағасы бойынша екі қала теңесті.

Қай жерде баға 20–30% өсті

Кейбір қалада белгілі бір категориядағы пәтердің бағасы бір айдың ішінде бірден төрттен бірге артты.

• Павлодарда бір бөлмелі пәтердің бағасы 28.6% өсті — 140 мыңнан 180 мың теңгеге.
• Көкшетауда үш бөлмелі пәтер 30% қымбаттады — 200 мыңнан 260 мың теңгеге.
• Қарағандыда бір бөлмелі пәтер шамамен 20%, үш бөлмелі пәтер 22% қымбаттады.
• Қостанайда бір бөлмелі пәтердің жалға алу ақысына 20% қосылды.

Тек бір қалада баға төмендеді

Қонаевта бір бөлмелі пәтерді жалға алу құны 150 мыңнан 140 мың теңгеге түскен, екі бөлмелі пәтер 3% қымбаттаған, ал үш бөлмелі пәтердің бағасы өзгермеген.

Тәулігіне жалға алу

Бір айда Алматыдағы екі бөлмелі пәтерде тұру құны 22 мыңнан 23 мың теңгеге дейін (+4.5%) өсті. Астанада баға өзгерген жоқ.

Енді пәтерді тәулігіне онлайн жалға алуға болады. Krisha.kz-те пәтерді қажет күндерге таңдап, брондап, Krisha.kz қосымшасы арқылы қоңырау шалмай-ақ және иесіне бармай-ақ төлем жасауға мүмкіндік беретін ыңғайлы әрі қауіпсіз «Онлайн брондау» сервисі бар.

Пайдалы материалдар:
АЕК өседі: пәтер мен мәміле үшін көп ақша төлеуге тура келе ме?
15 қыркүйекке дейін жылжымайтын мүлікке декларацияны кім тапсырады
Көрші ереже бұзса қайда шағымдануға болады