Қазақстанның әртүрлі қаласында пәтер қанша тұрады

Қазір Қазақстанда пәтер қанша тұрады? Krisha.kz-тегі нақты ұсыныстардың бағасын салыстырдық.

Ең қымбат пәтер қайда

Алматы тұрғын үй бағасы бойынша үш категорияның бәрінде көш бастап тұр:

• 1 бөлм. — 26.5 млн тг;
• 2 бөлм. — 40 млн;
• 3 бөлм. — 57 млн.

Бағасы бойынша екінші орында — Астана:

• 1 бөлм. — 23 млн тг;
• 2 бөлм. — 34 млн;
• 3 бөлм. — 52 млн.

Ең қымбат бес қаланың қатарына Шымкент, Атырау және Қостанай кірді.

Қала	1 бөлм. пәт.	2 бөлм. пәт.	3 бөлм. пәт.
Астана	23 млн	34 млн	52 млн
Алматы	26.5 млн	40 млн	57 млн
Шымкент	17.8 млн	25 млн	33 млн
Ақтау	12 млн	17 млн	25 млн
Ақтөбе	13.3 млн	18.7 млн	28 млн
Атырау	16 млн	25 млн	30 млн
Жезқазған	9.5 млн	13 млн	21 млн
Қарағанды	13.5 млн	18.7 млн	26.8 млн
Көкшетау	14.4 млн	20.4 млн	23 млн
Қонаев	15.5 млн	21.5 млн	25 млн
Қостанай	17 млн	24 млн	30 млн
Қызылорда	8 млн	14 млн	18 млн
Павлодар	14.5 млн	21 млн	27 млн
Петропавл	13.5 млн	20.5 млн	27.5 млн
Семей	13.9 млн	21.5 млн	27 млн
Талдықорған	12.5 млн	17.5 млн	23.5 млн
Тараз	9.8 млн	15 млн	22 млн
Түркістан	13.5 млн	20 млн	25 млн
Орал	14 млн	19 млн	26.6 млн
Өскемен	14.4 млн	21.8 млн	30 млн

Тұрғын үй қай жерде арзан

Ең арзан пәтер Қызылорда мен Жезқазғанда.
Қызылордада 1 бөлмелі пәтердің бағасы — 8 млн теңге, 2 бөлмелі — 14 млн, ал 3 бөлмелі — 18 млн теңге.
Жезқазғанда 1 бөлмелі пәтер 9.5 млн теңге, 2 бөлмелі — 13 млн, ал 3 бөлмелі 21 млн теңге тұрады.

Қалалар арасындағы айырмашылық

Ең қымбат және ең арзан тұрғын үй арасында айырмашылық өте үлкен.
Мысалы, Алматыдағы бір 1 бөлмелі пәтердің бағасына Қызылордадан үш 1 бөлмелі пәтер сатып алуға болады.
Алматыдағы бір 2 бөлмелі пәтердің бағасына Жезқазғаннан үш 2 бөлмелі пәтер ала аласыз.
Ал Астанадағы 3 бөлмелі пәтердің бағасы Қызылордадағы үш 3 бөлмелі пәтердің құнына жуық.

Баға қалай өзгеріп жатыр

Қазақстанда пәтер жыл басынан бері қымбаттап жатыр, алайда өсім қалыпты деңгейде. Жыл басынан бері баға орта есеппен 2% өсті. Кейбір қалада өсім 8%-дан асады.
Биыл Алматыда 8 айда пәтер 1.4% арзандаған.