Отбасы банктің салымшылары мемлекеттік сыйақыдан қағылуы ықтимал.
Бұл үш жылдан астам уақыт бұрын ашылған депозиттерге қатысты.

— Мұндай депозиттің иесі ипотека рәсімдемесе, мемлекеттік сыйақы берілмеуі мүмкін деп мәлімдеді банк басқармасының төрайымы Ләззат Ибрагимова.

Мемлекеттік сыйақыны тек тұрғын үйге ақша жинап жүргендер алады. Салымшы қарыз алмаса, сыйақы да жоқ.

Қазір банк клиенті ашылғанына үш жылдан асқан салым келісімшартын бұзса, шотындағы мемлекет қосқан ақшаны ала алады.

— Сыйақыны қайтару туралы ұсынысты мемлекеттік органдар талқылап жатыр. Жүйені ақша мұқтаж адамдарға ғана берілетіндей, әділ ету керек. Осылайша қарыз алғанға дейін ақша жинап, төмен пайызбен несие рәсімдегісі келетін және тұрғын үйге мұқтаж адамдарға көмектесуге болады деп түсіндірді банк басшысы.

Мемлекеттік сыйақы төлемдеріне республикалық бюджеттен шамамен 75–80 миллиард теңге қажет.

Бүгін 1 қаңтардан бастап Отбасы банк «Наурыз» бағдарламасы бойынша несие беру шарттарын өзгертетіні белгілі болды.