Жылу энергиясы кешені мен инженерлік желілердің қысқа жалпы дайындығы 95 %-ды құрайды. Бүгін жиналыста әкімдік осындай мәлімет берді.

Қаладағы барлық нысан толық дайын болса, бес күн қатарынан температура 8 градустан жоғары көтерілмеген жағдайда жылу беріледі.

Былтыр Алматыда жылу маусымы 17 қазанда басталған.

Жоспар бойынша дайындық жұмыстары 1 қазанға дейін аяқталуға тиіс.

Қазіргі деректер мынадай:
— жылу желілерінің дайындығы — 91 %;
— электр желілері — 99 %;
— сумен қамту жүйесі — 100 %.

Нысандарға келер болсақ, олар да қысқа дайын:
— тұрғын үй қоры — 96 %;
— білім беретін мекемелер — 98 %;
— денсаулық сақтау саласының нысандары — 98 %.

Биыл Алматыда жаңа «Оңтүстік» қазандығы іске қосылады. Қалпына келтіру жұмысы аяқталған соң ол 200 мыңнан астам тұтынушыны жылумен қамтиды. Оның ішінде Бостандық ауданындағы жаңа тұрғын үй кешендері бар.

Бұл істі қала әкімдігі қадағалайды.